“Liverpul” doğma meydanında “Mançester Yunayted”ə qalib gələ bilmədi
İngiltərə Premyer Liqasının (APL) matçında “Liverpul” doğma meydanında “Mançester Yunayted”lə heç-heçə edib.
Redaktor.az xəbər verir ki, görüş 2:2 hesabı ilə başa çatıb.
Bütün qollar ikinci hissədə vurulub. Belə ki, 52-ci dəqiqədə “Mançester Yunayted”in futbolçusu Lisandro Martinez hesabı açıb.
Oyunun 59-cu dəqiqəsində Kodi Qakpo, 11 dəqiqə sonra isə Məhəmməd Salah penaltidən fərqlənib. Matçın sonunda Amad Diallonun qolu ilə hesab bərabərləşib.
“Liverpul” İngiltərə çempionatının turnir cədvəlində 46 xalla birinci yerdədir. “Arsenal” 40 xalla ikinci, “Forest” 36 xalla üçüncü, “Mançester Yunayted” isə 23 xalla 13-cü yerdədir.
Bizi Telegram-da izləyin...
