"Real Madrid" "Barselona" ilə Superkubok matçına 3 itki ilə çıxa bilər - ADLAR
“Real Madrid”in üç əsas futbolçusu İspaniya Superkubokunun finalında "Barselona" ilə matçı buraxa bilər.
Redaktor.az xəbər verir ki, bu barədə "Sport.es" məlumat yayıb.
Xəbərə görə, Cud Bellingem, Federiko Valverde və Luka Modriç yanvarın 12-dən 13-nə keçən gecə keçiriləcək həlledici oyunu buraxmaq riski ilə üzləşirlər. Bellingem və Valverde əzələ gərginliyinə görə qarşıdakı oyunda oynamaya bilər. Modriçin isə virus xəstəliyi səbəbindən oynamayacağı gözlənilir.
"Barselona" və "Real Madrid" arasında İspaniya Superkubokunun final oyunu yanvarın 12-də Bakı vaxtı ilə 23:00-da başlayacaq. Bu yarışın ilk yarımfinal oyununda “Barselona” “Atletik Bilbao”ya 2:0 hesabı ilə qalib gəlib. İkinci finalçı "Real Madrid" isə "Malyorka"nı 3:0 hesabı ilə yenib.
Bizi Telegram-da izləyin...
