"Qazanmaq üçün hər şeyi edəcəyik" - Ernest Muçi
Beşiktaşın albaniyalı futbolçusu Ernest Muçi, Twente ilə qarşılaşma öncəsi açıqlama verib.
Redaktor.az xəbər verir ki, UEFA Avropa Liqasının son turunda Beşiktaş sabah Hollandiya təmsilçisi Twente ilə qarşılaşacaq. "De Grolsch Veste" Stadionunda baş tutacaq oyun öncəsi Ernest Muçi jurnalistlərin suallarını cavablandırıb.
"Rəqib meydanında oynayırıq. Bilbao matçındakı motivasiyamızın eyni səviyyədə qalması lazımdır. Böyük və çətin bir oyun olacaq", - deyə 23 yaşlı futbolçu bildirib.
Son matçlardakı performansı barədə danışan Muçi deyib: "Bu, motivasiya ilə bağlıdır. Yalnız mən yox, komandadakı hər futbolçu hər oyunda sabit performans sərgiləməlidir. Bunun üçün birlikdə daha yaxşı olmalıyıq".
Kənan YUSİF
Bizi Telegram-da izləyin...
