İstanbul derbisini bu dəfə də əcnəbi hakimlər idarə edəcək
Türkiyə Super Liqasında daha bir matçı əcnəbi hakimlər idarə edəcək.
Redaktor.az xəbər verir ki, 28-ci tur çərçivəsində keçiriləcək “Beşiktaş” - “Qalatasaray” derbisi İrfan Pelitoya tapşırılıb.
Türkiyə Futbol Federasiyasının bununla bağlı Bosniya və Herseqovina Futbol Federasiyasına müraciət etdiyi bildirilib.
Martın 29-da baş tutacaq İstanbul derbisi Bakı vaxtı ilə saat 21:30-da başlayacaq.
Qeyd edək ki, daha əvvəl “Qalatasaray” - “Fənərbaxça” görüşünü (0:0) sloveniyalı hakim Slavko Vinçiç idarə etmişdi.
Bizi Telegram-da izləyin...
