Messi və Ronaldo vida matçında eyni komandada oynaya bilərlər
ABŞ-nin "İnter Mayami" klubunun futbolçusu Lionel Messi və Səudiyyə Ərəbistanı təmsilçisi "Əl-Nəsr"in hücumçusu Kriştiano Ronaldo bir matçlıq eyni komandada oynaya bilərlər.
Redaktor.az xəbər verir ki, argentinalı sabiq forvard Karlos Teves vida qarşılaşmasında bunu gerçəkləşdirmək niyyətindədir.
O, cari ilin sonunda "Boka Xuniors"un stadionunda karyerası ərzində birlikdə çıxış etdiyi sabiq komanda yoldaşları ilə görüş təşkil etməyi planlaşdırır.
Həmin matça bir sıra məşhurların dəvət alacağı gözlənilir.
Qeyd edək ki, Karlos Teves 2021-ci ildə karyerasını başa vurub. O, Messi ilə yığmada, Ronaldo ilə İngiltərənin "Mançester Yunayted" klubunda komanda yoldaşı olub (Report).
Bizi Telegram-da izləyin...
