“Şamaxı” “Səbail”ə, “Araz-Naxçıvan” “Sabah”a qarşı
Premyer Liqada 33-cü tur davam edir.
Redaktor.az xəbər verir ki, bu gün daha iki oyun keçiriləcək.
Əvvəlcə 7-ci pillədə qərarlaşan “Şamaxı” öz meydanında autsayder “Səbail”i qəbul edəcək.
Cari mövsüm bu komandaların qarşıdurmalarında bərabərlikdir. 1 dəfə “Səbail”, 1 dəfə isə “Şamaxı” 2:0 hesablı qələbəyə sevinib. Digər görüşdə isə qapılara qol vurulmayıb.
Günün ikinci matçında “Araz-Naxçıvan” “Sabah”la üz-üzə gələcək. Hazırda Naxçıvan klubu 54 xalla turnir cədvəlində üçüncü, Masazır təmsilçisi isə 40 xalla dördüncüdür. Əsas izləyicisi “Turan Tovuz”u 5 xal qabaqlayan “Araz-Naxçıvan” bugünkü matçda qələbə qazansa, bürünc medallara doğru böyük addım atmış olacaq.
Bu mövsüm tərəflərin keçirdiyi 3 matçdan birində “Sabah” qalib gəlib, digər iki görüş isə heç-heçə yekunlaşıb.
Qeyd edək ki, Premyer Liqada artıq “Qarabağ” qızıl, “Zirə” isə gümüş medalları təmin edib.
3 may
17:00. “Şamaxı” - “Səbail”
Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov
VAR: İnqilab Məmmədov
AVAR: Kamran Bayramov
Şamaxı şəhər stadionu
19:30. “Araz-Naxçıvan” - “Sabah”
Hakimlər: Kamal Umudlu, Vüsal Məmmədov, Rəhman İmami, Nicat İsmayıllı
VAR: Əliyar Ağayev
AVAR: Zeynal Zeynalov
“Liv Bona Dea Arena"
4 may
18:00. “Qarabağ” - “Sumqayıt”
20:00. “Neftçi” - “Kəpəz”
2 may
“Zirə” - “Turan Tovuz” - 1:1
Bombardirlər:
Leandro Andrade ("Qarabağ") - 14 qol
Salifu Suma ("Zirə") - 12 qol
Cesse Sekidika ("Sabah") - 10 qol
Davit Volkov ("Zirə") - 10 qol
Coy-Lens Mikels ("Sabah") - 9 qol
Felipe Santos ("Araz Naxçıvan") - 9 qol
Nəriman Axundzadə ("Qarabağ") - 9 qol
Rafael Utziq ("Zirə") - 9 qol
Bizi Telegram-da izləyin...
