"Qarabağ"la "Traktor" arasında yoldaşlıq oyunu Xankəndi stadionunda keçirilsin - TƏKLİF
Azərbaycan futbolunun aparıcı klublarından olan "Qarabağ"la İran çempionu, Təbrizin "Traktor" klubu arasında yoldaşlıq görüşünün keçirilməsi gündəmdədir. "Qarabağ"ın baş məşqçisi Qurban Qurbanov bu məsələyə müsbət yanaşsa da, oyunun baş tutmasının müəyyən amillərdən asılı olduğunu deyib.
Mövzu ilə bağlı Redaktor.az-a açıqlamasında komanda.az saytının baş redaktoru Rəşad Ergün qeyd etdi ki, "Qarabağ" bu mövsüm Azərbaycan, Təbrizin "Traktor" komandası isə İran çempionu oldu.
"Bu iki komanda arasında yoldaşlıq oyununun keçirilməsi Şimali ve Cənubi Azərbaycan azarkeşləri üçün möhtəşəm bir matç olar. Özü də, Xankəndi stadionunda. Əminəm ki, bunu hər iki klubun azarkeşləri çox istəyər. Amma təbii ki, indiki halda reallaşması çətin görünür. Hər halda, düşünürəm ki, "Qarabağ" qarşıdakı zamanda "Traktor"la yoldaşlıq oyununun keçirilməsi təşəbbüsü ilə çıxış edə bilər",- deyə o bildirdi.
Xədicə BAXIŞLI
Bizi Telegram-da izləyin...
