"Qarabağ"- "Kopenhagen" oyunu necə nəticələnəcək? - ŞƏRH
Bu axşam UEFA Çempionlar Liqasının əsas mərhələsinin ikinci turunda "Qarabağ"- "Kopenhagen"lə qarşıya-qarşıya gələcək.
Qeyd edək ki, ilk turda təmsilçimiz səfərdə "Benfika"nı məğlub edərək aktivinə 3 xal yazdırıb.
Bəs "Kopenhagen"lə oyundan hansı gözləntilər var?
İdman jurnalisti Ağa Dadaşzadə Redaktor.az-a açıqlamasında bildirdi ki, bugünkü qarşılaşma ağır olacaq:
"Azərbaycan stadionlarında beynəlxalq oyunlar həmişə ağır olur. "Kopenhagen"in sistemi eyni olsa da, oyun tərzi fərqlidir. Çünki ötən tur "Kopenhagen" öz doğma meydanında, Danimarkada "Bayer Leverkusen"i - Almaniya təmsilçisini qəbul etmişdi. Oyun 2-2 hesabı ilə başa çatmışdı. "Kopenhagen"in dəhşət sürətli komanda olduğunu gördük. Çox sürətli, dinamik, elastik, kompakt futbol oynamağı bacaran bir komandadır və əks-hücumlarda da olduqca təhlükəlidir".
Müsahibimiz vurğuladı ki, "Kopenhagen" hündürboylu futbolçulardan ibarət təşkil olunmuş bir komandadır:
"Bizim də Yankoviç kimi çox böyük bir itkimiz var. Buna rəğmən, Qurban müəllim ("Qarabağ"ın baş məşqçisi Qurban Qurbanov - red.) )yəqin ki, B planı hazırlayıb. Onun yerinə futbolçular yəqin təyin edib. Mən düşünürəm ki, ola bilsin, oyunda çox qol olmadı. Yəni 1:0 bizim xeyrimizə və yaxud "Kopenhagen"in xeyrinə bitə bilər. Amma mən bu oyunu bərabərlik görürəm. Düşünürəm ki, bərabərlik də olsa, bizim də xeyrimizə olacaq".
Aytəkin TOFİQQIZI
Bizi Telegram-da izləyin...
