"Qarabağ" Polşa klubu üzərində qələbə QAZANDI
Türkiyədə təlim-məşq toplanışında olan "Qarabağ" futbol klubu növbəti yoxlama oyununda da qələbə qazanıb.
Redaktor.az xəbər verir ki, Qurban Qurbanovun baş məşqçisi olduğu kollektiv Polşanın "Zaqlembe" komandasına qalib gəlib - 3:1.
Ağdam təmsilçisinin heyətində Leandro Andrade (6), Abdullah Zubir (56) və Joni Montiel (69) fərqləniblər.
Qeyd edək ki, Ağdam təmsilçisi daha əvvəl Özbəkistanın "Neftçi" klubunu beş cavabsız qolla üstələyib, Xorvatiyanın "Osiyek" kollektivini 3:1 hesabı ilə məğlub edib.
Bizi Telegram-da izləyin...
