Messi Peleni geridə qoydu
Argentinalı futbolçu Lionel Messi bazar günü keçirilən Böyük Liqa Futbol (MLS) turnirinin NYC - "İnter Mayami" matçında vurduğu qolla cərimə zərbələrindən vurulan qolların sayına görə Braziliya əfsanəsi Peleni geridə qoyub.
Redaktor.az xəbər verir ki, Messi ikinci hissənin 61-ci dəqiqəsində cərimə zərbəsi üçün irəli çıxıb və zərbəni dəqiq yerinə yetirərək "İnter Mayami"nin bərabərlik qolunu vurub.
Bu, Messinin cərimə zərbəsindən vurduğu 71-ci qol olub. Argentinalı bununla həmçinin karyerasında 901-ci qola imza atıb.
Qeyd edək ki, matç "İnter Mayami"nin 2:3 hesablı qələbəsi ilə başa çatıb.
Kişi futbolunda cərimə zərbələrindən vurulan ən çox qol:
1. Juninyo Pernambukano - 77 - Braziliya
2. Lionel Messi - 71 - Argentina
3. Pele - 70 - Braziliya
4. Ronaldinyo - 66 - Braziliya
5. Victor Legrotaglie - 66 - Argentina
Turan İSMAYIL
Bizi Telegram-da izləyin...
