Xulian Alvaresdən “Barselona”ya keçid mesajı? – FOTO
“Atletiko Madrid”in argentinalı hücumçusu Xulian Alvaresin sosial şəbəkə paylaşımı futbol gündəmini silkələyib.
Redaktor.az xəbər verir ki, 26 yaşlı forvard əvvəlcə “Barselona” formasında fotosunu paylaşıb. Ardınca isə “Xəyalımdakı komandamla ilk Çempionlar Liqası titulunu qazanmağa hazırsınızmı?” sözlərini yazaraq diqqətçəkən status yayımlayıb.
Alvaresin bu paylaşımı onun “Barselona”ya keçidinin artıq razılaşdırıldığı barədə iddiaları gücləndirib.
Qeyd edək ki, “Barselona”nın argentinalı futbolçuya maraq göstərdiyi barədə uzun müddətdir məlumatlar yayılır. Lakin “Atletiko Madrid” rəhbərliyi daha əvvəl Alvaresi satmaq niyyətində olmadığını açıqlayıb.
Alvaresin adı daha əvvəl İngiltərənin “Arsenal” klubu ilə də hallanıb.
Turan ASLAN
Bizi Telegram-da izləyin...
