Azərbaycan millisi Avropa çempionatında Türkiyə ilə qarşılaşacaq
Qadın voleybolçulardan ibarət Azərbaycan milli komandası Avropa çempionatının 1/8 final mərhələsində Türkiyə yığması ilə qarşılaşacaq.
Redaktor.az xəbər verir ki, görüş sentyabrın 1-də Bakı vaxtı ilə saat 19:00-da İstanbulda yerləşən “Sinan Erdem” İdman Salonunda keçiriləcək və qarşılaşmanı Predrag Balandzic ilə Theodora Kyriopoulou idarə edəcəklər.
Azərbaycan millisi C qrupunda Belçika, Niderland, Portuqaliya, Rumıniya və İspaniya ilə mübarizə aparıb. Yığmamız 5 oyundan 3-də qələbə qazanaraq qrup mərhələsini üçüncü pillədə başa vurub.
Türkiyə millisi isə A qrupunda Sloveniya, Latviya, Macarıstan və Almaniyaya qalib gəlib. “Ay-ulduzlular” son matçında Polşaya 2:3 hesabı ilə uduzaraq qrupu ikinci pillədə tamamlayıb.
Qarşılaşmanın qalibi turnirin 1/4 final mərhələsinə vəsiqə qazanacaq.
Mübarizəni “TRT 1” telekanalı canlı yayımlayacaq.
Aminə ŞAHSUVARQIZI
Bizi Telegram-da izləyin...
