"Kəpəz" qələbəni əldən verdi: "Zirə"dən son dəqiqə qolu
Misli Premyer Liqasının VIII turunun son oyununda "Kəpəz" və "Zirə" komandaları qarşılaşıblar. Görüş 1:1 hesablı heç-heçə ilə başa çatıb.
Redaktor.az xəbər verir ki, Gəncə şəhər stadionunda keçirilən matçda hesabı 57-ci dəqiqədə ev sahiblərinin futbolçusu Blessinq Olabiran açıb.
"Zirə" məğlubiyyətdən oyunun son dəqiqəsində xilas olub. Belə ki, 89-cu dəqiqədə David Volkov başla dəqiq zərbə endirərək hesabı bərabərləşdirib.
Bu nəticədən sonra 12 xalı olan "Zirə" turnir cədvəlinin altıncı pilləsində qərarlaşıb. 11 xal toplayan "Kəpəz" isə yeddinci sıradadır.
Bizi Telegram-da izləyin...
