“Borussiya” "Sabah"la oyundan sonra “Qarabağ”ın stadionunda məşq etdi
Almaniyanın “Borussiya” (Dortmund) klubu UEFA Çempionlar Liqasının Liqa mərhələsində “Sabah”la oyundan sonra “Qarabağ”ın stadionunda məşq edib.
Redaktor.az xəbər verir ki, Dortmund təmsilçisi bu gün “Azərsun Arena”da hazırlıq keçib.
Məşqdən sonra komanda Azərbaycandan ayrılaraq Dortmund şəhərinə qayıdıb.
Almaniya klubu bununla bağlı rəsmi “Instagram” hesabında paylaşım edib. Paylaşımda futbolçuların məşqindən görüntülər yayımlanıb və “Qarabağ”a təşəkkür bildirilib.
“Stadionunuzda məşq etməyimizə icazə verdiyiniz üçün “Qarabağ”a təşəkkür edirik!” – deyə qeyd olunub.
Qeyd edək ki, “Borussiya” dünən “Sabah”la keçirilən görüşdə 2:1 hesabı ilə qələbə qazanıb.
Bizi Telegram-da izləyin...
