"Fənərbaxça" "Liverpul"u İstanbulda diz çökdürdü - ÇL
UEFA Çempionlar Liqasının liqa mərhələsində Türkiyənin "Fənərbaxça" klubu İngiltərə təmsilçisi "Liverpul"u qəbul edib.
Redaktor.az xəbər verir ki, İstanbulda keçirilən və dramatik anlarla yadda qalan qarşılaşma meydan sahiblərinin 3:2 hesablı qələbəsi ilə başa çatıb.
Görüşə sürətli hücumlarla başlayan komandalar azarkeşlərə maraqlı mübarizə təqdim ediblər. Matçda hesabı 25-ci dəqiqədə "Liverpul"un futbolçusu Trey Nyoni açıb. Lakin "Fənərbaxça"nın cavabı gecikməyib. Meydan sahibləri cəmi dörd dəqiqə sonra, 29-cu dəqiqədə Meyson Qrinvudun qolu ilə hesabı bərabərləşdiriblər. İlk hissə 1:1 hesabı ilə başa çatıb.
İkinci hissədə də gərgin mübarizə davam edib. Qarşılaşmanın 69-cu dəqiqəsində Aleksandr İsakın qolu ilə "Liverpul" yenidən hesabda önə keçib. Buna baxmayaraq, Türkiyə təmsilçisi təslim olmayıb. 73-cü dəqiqədə Arçi Braun fərqlənərək hesabı 2:2 edib.
Matçın həlledici qolu isə 79-cu dəqiqədə vurulub. Vedat Muriqi komanda yoldaşının ötürməsini dəqiq zərbə ilə tamamlayaraq "Fənərbaxça"ya 3:2 hesablı qələbə qazandırıb.
Beləliklə, İstanbul təmsilçisi doğma meydanda İngiltərənin güclü klublarından biri olan "Liverpul"u məğlub edərək Çempionlar Liqasının liqa mərhələsində mühüm üç xal əldə edib.
Turan ASLAN
Bizi Telegram-da izləyin...
