UEFA Millətlər Liqasında gecənin nəticələri
Noyabrın 13-də UEFA Millətlər Liqasının qrup mərhələsinin 5-ci turu çərçivəsində ilk oyun günü baş tutub.
Redaktor.az xəbər verir ki, günün diqqətçəkən qarşılaşmalarından birində Azərbaycan milli komandası səfərdə Lixtenşteyn yığmasının qonağı olub. Gərgin keçən matç millimizin 1:0 hesablı minimal qələbəsi ilə başa çatıb.
Turun ən məhsuldar və böyükhesablı nəticəsi Niderlandda qeydə alınıb. Meydan sahibləri Yunanıstan seçməsinin qapısından 7 cavabsız top keçiriblər. İkinci böyükhesablı qələbəni isə səfərdə Bolqarıstanı 5:0 hesabı ilə məğlub edən İslandiya millisi qazanıb. Almaniya yığması Serbiya səfərindən 3:1 hesablı qələbə ilə dönüb.
13 noyabrda baş tutan bütün oyunların nəticələrini təqdim edirik:
- Moldova 2 – 1 Qazaxıstan
- Şotlandiya 2 – 1 Şimali Makedoniya
- Andorra 2 – 0 Cəbəllütariq
- Sloveniya 0 – 0 İsveçrə
- Niderland 7 – 0 Yunanıstan
- Serbiya 1 – 3 Almaniya
- Lixtenşteyn 0 – 1 Azərbaycan
- Slovakiya 2 – 2 Farer adaları
- Bolqarıstan 0 – 5 İslandiya
- Lüksemburq 0 – 1 Estoniya
Turan ASLAN
Bizi Telegram-da izləyin...
