FIFA 7 futbolçunu ömürlük futboldan uzaqlaşdırıb
FİFA İntizam Komitəsi təşkilatın intizam kodeksini pozan səkkiz şəxsi ömürlük futboldan uzaqlaşdırıb.
Redaktor.az Rusiya mətbutına istinadən xəbər verir ki, bunlardan 7-si futbolçu, biri isə menecerdir.
Futbolçulardan Karlon Myurrey, Keyno Tomas (hər ikisi Trinidad və Tobaqo), Xellinqs Mvakasunqula (Malavi), İbrahim Karqbo (Sierra Leone), Seidat Çomoqo (Benin), Leonel Duarte (Kuba), Məhəmməd Salim İsrafil Koxistani (Əfqanıstan) və zimbabveli menecer Kudzanay Şaba danışılmış oyunlara görə hər hansı bir futbol fəaliyyətindən ömürlük kənarlaşdırılıb.
Qurum keniyalı Cordc Obino Audiyə isə 10 illik cəza verib. O həmçinin 15 min İsveçrə frankı məbləğində cərimələnib.
Qeyd edək ki, FİFA-nın cərimələdiyi futbilçulardan biri Sierra-Leoneli İbrahim Karqbo vaxtilə Azərbaycan Milli Çempionatında top qovub.
Rüfət Xəlil / REDAKTOR.AZ
Bizi Telegram-da izləyin...
