Amerikalı məşqçi: "Bakıdakı Milli Gimnastika Arenasının zalını çox sevirik"

 19:49 25.04.2019     463

Azərbaycan Gimnastika Federasiyası mükəmməl işləyir və idmançılar üçün əla şərait yaradır.

Bunu Redaktor.az-a qrup hərəkətlərində ABŞ komandasının məşqçisi Darya Baltovik bildirib.

Məşqçi bədii gimnastika üzrə Dünya Kuboku öncəsi məşqin normal keçdiyini deyib:

"Kuboka güclü komandalar gəlib, amma düşünürəm ki, finala çıxmaq şansımız var. İspaniya, Fransa komandalarını əsas rəqib hesab edirəm".

D.Baltovik Milli Gimnastika Arenasında idmançılar üçün yaxşı şərait yaradıldığını vurğulayıb:

"Biz bu zalı çox sevirik, çünki böyükdür. Burada çoxlu xalçalar var - bu gözəldir. Azərbaycan Gimnastika Federasiyası mükəmməl işləyir, əla şərait yaradır".

Qeyd edək ki, 26-28 aprel tarixlərində Bakıda bədii gimnastika üzrə Dünya Kuboku yarışı keçiriləcək. Turnirdə 39 ölkədən ümumilikdə 200-dən çox gimnast mübarizə aparır. Üç gün davam edəcək yarışda 25 qrup komandası və 70-dən çox fərdi gimnast hakimlər qarşısına çıxacaq.