Azərbaycanlı hakim Avropa Oyunlarına təyinat alıb
Azərbaycanlı hakim İnqilab Məmmədov növbəti dəfə beynəlxalq yarışa təyinat alıb.
Redaktor.az-ın məlumatına görə, çimərlik futbolu üzrə FİFA referisi II Avropa Oyunlarında iştirak edəcək.
İ.Məmmədov Belarusun paytaxtı Minskdə keçiriləcək yarışın oyunlarında ədaləti qoruyacaq. Avropa Oyunları iyunun 21-dən 30-dək keçiriləcək.
Qeyd edək ki, çimərlik futbolunda 8 komanda iki qrupda mübarizə aparacaq. A qrupunda Belarus, Portuqaliya, İsveçrə, Rumıniya, B qrupunda İtaliya, İspaniya, Rusiya və Ukrayna qüvvəsini sınayacaq.
Bizi Telegram-da izləyin...
