III Avropa Oyunlarının ev sahibi müəyyənləşib
2023-cü ildə keçiriləcək III Avropa Oyunlarının ev sahibi müəyyənləşib.
Redaktor.az APA-ya istinadən bildirir ki, qitəmiqyaslı multiidman yarışı Polşanın Krakov şəhərində baş tutacaq.
Bu barədə qərar Avropa Olimpiya Komitələrinin (AOK) Belarusun paytaxtı Minskdə keçirilən növbədənkənar Baş Assambleyasında verilib. Tədbir iştirakçıları Avropa Oyunları-2023-ə yeganə namizədi dəstəkləyiblər.
Qeyd edək ki, ilk Avropa Oyunları 2015-ci ildə Azərbaycanın paytaxtı Bakıda təşkil olunub. II Avropa Oyunları isə hazırda Belarusun paytaxtı Minskdə keçirilir.
Bizi Telegram-da izləyin...
