Akrobatika gimnastlarımız İkinci Avropa Oyunlarında növbəti medallarını qazanıb
İyunun 22-də II Avropa Oyunlarının akrobatika gimnastika yarışında Azərbaycan təmsilçiləri millimizin aktivinə daha bir medal yazdırıblar.
Redaktor.az-ın Trend-ə istinadən məlumatına görə, “Minsk 2019”da balans hərəkətləri üzrə qarışıq cütlüklərin yarışında mübarizə aparan Ruhidil Qurbanlı - Abdulla Əl-Məşayxi cütlüyü 28,160 xal toplayaraq ikinci Avropa Oyunlarının bürünc medalına sahib olub.
Qızıl medalı Belarus təmsilçiləri – Artur Beliakov və Volna Melnik cütlüyü qazanıb (29,490 xal).
Xatırladaq ki, “Minsk 2019”da komandamızın aktivinə ilk medalı da Ruhidil Qurbanlı və Abdulla Əl-Məşayxi yazdırıblar.
Bizi Telegram-da izləyin...
