Lionel Messidən xeyirxah addım
Argentina millisinin və "Barselona"nın ulduz futbolçusu Lionel Messinin və ailəsinin sahibi olduğu Rosariodakı restoranda evsiz insanlar üçün xeyriyyə aksiyası təşkil edilib.
Redaktor.az-ın Rusiya mediasına istinadən yaydığı xəbərə görə, iyulun 5-i başlanan aksiyanın daha 15 gün uzadılması planlaşdırılır. Aksiya çərçivəsində evsiz insanlara isti yeməklər təklif olunur.
Restoranın meneceri Ariel Almada aksiya ilə bağlı deyib: "Bəzi insanlara biz qəhvə, alkoqolsuz içkilər, hətta şərab veririk.Bura bir çox ziyarətçi gəlib və hamısı nəzakətlə davranıblar. Biz bu aksiyanı daha 15 gün uzatmaq istəyirik".
Bizi Telegram-da izləyin...
