“Səbail” və “Neftçi” Avropa Liqasında ilk oyununu keçirəcək
Bu gün Azərbaycanın iki komandası futbol üzrə Avropa Liqasında mübarizəyə başlayacaq.
Redaktor.az-ın məlumatına görə, yarışa I təsnifat mərhələsindən qoşulacaq “Səbail” və “Neftçi” ilk oyunlarını keçirəcək.
“Səbail” avrokuboklarda debüt edəcək. Bakı klubu ilk görüşünü evdə keçirəcək.
Paytaxt futbolçuları Rumıniyanın “Universitatya Krayova” klubu ilə üz-üzə gələcək.
Avrokuboklar təcrübəsi daha zəngin olan “Neftçi” mövsümə səfərdə başlayacaq. Azərbaycanın ən titullu klubunun rəqibi də daha əlverişlidir.
Bakılılar Moldovada “Speranta” ilə üz-üzə gələcək.
Qeyd edək ki, hər iki komandamız cavab oyununu iyulun 18-də keçirəcək.