Güləşçilərimiz final görüşünə çıxır - Yenilənir
Qazaxıstanın paytaxtı Nur-Sultanda keçirilən güləş üzrə dünya çempionatı sona yaxınlaşır.
Redaktor.az qafqazinfo-ya istinadən xəbər verir ki, bu gün iki sərbəst güləşçimiz bu gün final qarşılamasına çıxacaq.
79 kq. çəkidə yarışan dünya ikincisi, Avropa çempionu Cəbrayıl Həsənov həlledici görüşdə ABŞ idmançısı, 2018-ci ildə dünya çempionu olan Kayl Deyklə üz-üzə gələcək.
97 kq. çəkidə mübarizə aparan olimpiya, dünya və Avropa çempionumuz Şərif Şərifov isə Rusiyanı təmsil edən Abdulrəşid Sadullayevla üz-üzə gələcək. Qeyd edək ki, Sadullayev bir dəfə Olimpiya, üç dəfə dünya, 3 dəfə Avropa çempionudur.
Final qarşılaşmaları bu gün Bakı vaxtı ilə saat 16:00-da başlayacaq və İTV vasitəsilə canlı nümayiş etdiriləcək.
Bizi Telegram-da izləyin...
