“Azərbaycan Qran-prisində sponsorlardan gələn vəsait 50 faiz artıb"
“2019-cu ildə keçirilən “Formula-1” üzrə Azərbaycan Qran-prisi kommersiya baxımından ən sərfəlisi olub”.
Redaktor.az-ın məlumatına görə, bunu “Bakı Şəhər Halqası” Əməliyyat Şirkətinin (BŞH) Marketinq və Kommunikasiya Departamentinin rəhbəri Nigar Arpadarai deyib.
O bildirib ki, Azərbaycan Qran-prisinin səviyyəsi ildən-ilə artır, bu da yarışdan əldə olunan gəlirin artması ilə nəticələnib: “Ötən illə müqayisədə Azərbaycan Qran-prisində sponsorlardan gələn vəsaitin məbləği 50 faiz artıb”.
Qeyd edək ki, 2019-cu ildə Azərbaycan Qran-prisi aprelin 28-də keçirilib. Yarış “Mersedes” pilotu Valtteri Bottasın qələbəsi ilə başa çatıb.//Apa.az
Bizi Telegram-da izləyin...
