Paralimpiyaçılarımız Tokio-2020-yə 4-cü lisenziyanı qazanıblar
Azərbaycan yığması Tokio-2020 Yay Paralimpiya Oyunlarına 4-cü lisenziyasını qazanıb.
Redaktor.az-ın məlumatına görə, növbəti vəsiqəyə paraatıcı Kamran Zeynalov sahib olub.
O, Avstraliyanın Sidney şəhərində keçirilən dünya çempionatında güllə atıcılığında 50 m məsafədən hədəfi nişanalmada ilk “15-liy”ə düşüb və Paralimpiadada iştirak hüququ qazanıb.
Qeyd edək ki, K. Zeynalovdan öncə digər güllə atıcısı Yelena Taranova, həmçinin parapauerliftinqçi Elşən Hüseynov və paraüzgüçü Roman Saley də Tokio-2020-yə lisenziyaya yiyələniblər
Bizi Telegram-da izləyin...
