Azərbaycan yığmasının rəqibləri BU TARİXDƏ müəyyənləşəcək
Futzal üzrə dünya çempionatının Avropa zonası üzrə əsas seçmə mərhələsi başa çatıb.
Redaktor.az-ın məlumatına görə, 8 qrupda keçirilən oyunlardan sonra elit-raundun bütün iştirakçıları müəyyənləşib.
Oyunları Bakıda keçirilən 3-cü qrupun qalibi olan Azərbaycan yığmasından başqa daha 15 komanda turu adlayıb. Bunlar Belarus, Çexiya, Xorvatiya, Finlandiya, Fransa, İtaliya, Qazaxıstan, Portuqaliya, Rumıniya, Rusiya, Serbiya, Slovakiya, Sloveniya, İspaniya və Ukrayna yığmalarıdır.
Elit-raundun püşkatması noyabrın 7-də baş tutacaq. Tədbir Bakı vaxtı ilə saat 17:15-də başlayacaq.
Komandalar püşkatmada 4 qrupa bölünəcək. Qrup qalibləri 2020-ci ildə Litvada təşkil olunacaq yarışa vəsiqə qazanacaq. İkinci yer sahibləri isə pley-offda son iki vəsiqə üçün mübarizə aparacaq.
Qeyd edək ki, Azərbaycan yığması Moldovanı 3:1, Monteneqronu 3:2, Slovakiyanı 2:0 hesabı ilə məğlub edib.
Bizi Telegram-da izləyin...
