Hollandiya yığması Azərbaycan millisinin sabiq baş məşqçisinə həvalə edilib
Qadın voleybolçulardan ibarət Hollandiya millisinin yeni baş məşqçisinin adına aydınlıq gəlib.
Redaktor.az-ın məlumatına görə, “narıncıların” “sükanı” Azərbaycan yığmasının sabiq baş məşqçisi Covanni Kapraraya həvalə edilib.
İtaliyalı mütəxəssis bu postda istefaya göndərilən amerikalı Ceymi Morrisonu əvəzləyib. Onun qarşısına əsas məqsəd kimi Avropa Olimpiya Təsnifat Turnirində uğurlu çıxış qoyulub.
Qeyd edək ki, Avropa Olimpiya Təsnifat Turniri 2020-ci ilin yanvarında Hollandiyanın Apeldorn şəhərində baş tutacaq. A qrupunda Azərbaycan, Polşa və Bolqarıstanla oyun ev sahibləri üçün yeni baş məşqçi ilə ilk ciddi sınaq olacaq.
Bizi Telegram-da izləyin...
