Uels Azərbaycanla oyunöncəsi daha 2 itki ilə üzləşib
AVRO-2020-nin seçmə mərhələsində Azərbaycan millisinin rəqibi olan Uels yığması daha iki itki ilə üzləşib.
Redaktor.az-ın məlumatına görə, “Aston Villa”dan Nil Teylor, “Suonsi”dən Co Rodanın ardınca Tom Laurens (“Derbi”) və Denni Uord (Lester) da komandanın düşərgəsini tərk edib.
Bakı səfəri öncəsi “Derbi”nin hücumçusu sağlamlığı səbəbindən millidən ayrı düşübsə, “Lester”in qapıçısı şəxsi işləri ilə bağlı baş məşqçi Rayan Giqqzdən icazə alıb.
Qeyd edək ki, Azərbaycan – Uels matçı sabah “Bakcell Arena”da baş tutacaq.
Bizi Telegram-da izləyin...
