Azərbaycan yığması Uelsə məğlub oldu - YENİLƏNİB
Azərbaycan millisi “AVRO-2020”-nin seçmə mərhələsində Uels yığmasını qəbul edib.
Redaktor.az xəbər verir ki, qarşılaşma Azərbaycan millisinin 0:2 hesablı məğlubiyyəti ilə yekunlaşıb. Görüşdə ilk qol 10-cu dəqiqəyə təsadüf edib. Küncdən zərbədən sonra Kiffer Mur hesabı açıb.
Qonaq komanda ikinci qolu 34-cü dəqiqədə vurub. Harri Uilson topu boş qapıdan keçirib.
Bu nəticədən sonra Uels millisi 11-ci xalını qazanıb və hələlik üçüncü pilləyə yüksəlib.
Azərbaycan yığması isə 7 oyundan sonra bir xalla sonuncu - beşinci pillədə qərarlaşıb. “E” qrupunun digər matçında Xorvatiya Slovakiyanı qəbul edəcək.
***
Azərbaycan - Uels matçında ikinci qol vurulub.
"Bakcell Arena"da keçirilən oyunda qonaq komandanın futbolçusu Harri Uilson 34-cü dəqiqədə fərqi iki topa çatdırıb - 0:2
***
Azərbaycan Uels matçında hesab açılıb.Publika.az xəbər verir ki, "Bakcell Arena"da keçirilən oyunda qonaq komandanın oyunçusu Kiffer Mur 10-cu dəqiqədə fərqlənib
***
AVRO-2020-nin seçmə mərhələsi çərçivəsində Azərbaycan- Uels oyunu başladı.
***
Azərbaycan - Uels oyunu üçün heyətlər müəyyənləşib.
Redaktor.az xəbər verir ki, komandalar meydana aşağıdakı tərkibdə çıxacaq:
Azərbaycan: Emil Balayev, Anton Krivotsyuk, Bədavi Hüseynov, Bəhlul Mustafazadə, Pavel Paşayev, Riçard Almeyda, Qara Qarayev (k), Şəhriyar Rəhimov, Dmitri Nazarov, Araz Abdullayev, Ramil Şeydayev
Ehtiyat oyunçular: Səlahət Ağayev, Mehdi Cənnətov, Emin Mahmudov, Vüsal İsgəndərli, Ağabala Ramazanov, Elvin Camalov, Şəhriyar Əliyev, Abbas Hüseynov, Renat Dadaşov, Təmkin Xəlilzadə, Cavid Hüseynov
Uels: Ueyn Hennessi, Ben Deyvis, Kris Mefam, Harri Uilson, Qaret Beyl (k), Kiffer Mur, Konnor Roberts, Ethan Ampadu, Tom Lokyer, Joe Morrell, Daniel Ceyms
Ehtiyat oyunçular: Adam Deyvis, Tom King, Kris Qunter, Ceyms Lavrens, Aşley Villiams, Mettyu Smith, Sam Vokes, Aaron Remzi, Dylan Levitt, Tuler Roberts, Rabbi Marondo, Uill Vaulks
***
Bu gün futbol üzrə Azərbaycan millisi AVRO-2020-nin seçmə mərhələsi çərçivəsində 7-ci oyununa çıxacaq.
Redaktor.az xəbər verir ki, Nikola Yurçeviçin rəhbərlik etdiyi komanda Uels yığmasını qəbul edəcək.
"Bakcell Arena"da baş tutacaq matç saat 21:00-da start götürəcək.
AVRO-2020
Seçmə mərhələ, E qrupu
21:00. Azərbaycan – Uels
Baş hakim: Deniz Aytekin
Yan xətt hakimləri: Eduard Beytinger və Rafael Foltın
Dördüncü hakim: Kristian Dingert (hamısı Almaniya)
Hakim-inspektor: Sergey Zuyev (Rusiya)
UEFA nümayəndəsi: Mark Bos (Niderland)
Bakı, “Bakcell Arena”(publika.az)