Andorralı futbolçudan dünya rekordu
Andorra millisinin kapitanı İldefons Lima dünya rekordu müəyyənləşdirib.
Redaktor.az "Sovetskiy Sport"-a istinadən xəbər verir ki, 39 yaşlı müdafiəçinin rekordu Avro-2020-nin seçmə mərhələsinin 10-cu turunda Türkiyə ilə oyunda (0:2) qeydə alınıb.
Lima milli komandada ən uzun müddət çıxış edən futbolçu adını qazanıb. 1997-ci ildə Andorra yığmasında debüt edən Lima, 22 il 148 gün millinin şərəfini qoruyub.
Bundan əvvəlki rekord 22 il 145 günlə Ekvador millisinin üzvü İvan Hurtadoya aid idi.
Rüfət Xəlil /Redaktor.az
Bizi Telegram-da izləyin...
