Azərbaycan millisi üçüncü matçda da uduzaraq, qrup sonuncusu olub
17 yaşadək futbolçular arasında Avropa çempionatının seçmə mərhələsində IX qrupun oyunlarına yekun vurulub.
Redaktor.az-ın məlumatına görə, matçları Yunanıstanda keçirilən qrupda mübarizə aparan Azərbaycan milli komandası III turda Qazaxıstanla qarşılaşıb.
İlk iki turda meydan sahiblərinə 1:6, Almaniyaya 0:2 hesabı ilə uduzan Vüqar Məmmədin baş məşqçisi olduğu komanda bu dəfə də məğlubiyyətə üzülüb. Elit-raund şansını qazaxlarla matça qədər itirən yığma hər hissədə bir top buraxaraq uduzub – 0:2. Yekunda 3 oyunda 3 məğlubiyyət alan milli qrupda sonuncu yeri tutub.
Qeyd edək ki, qrupun digər oyununda Almaniya ilə Yunanıstan üz-üzə gəlib. Meydan sahibləri Bundestimi 2:0 hesabı ilə məğlub edərək qrup birincisi olublar.
Avropa çempionatının seçmə mərhələsi
IX tur
16:00. Qazaxıstan – Azərbaycan – 2:0
Qollar: Küşkumbayev, 3, Raximjanov, 85
Baş hakim: Denis Şurman (Ukrayna)
Patra. “Pampeloponnisiako” stadionu
|
1 |
Yunanıstan |
3 |
3 |
0 |
0 |
13-2 |
9 |
|
2 |
Almaniya |
3 |
2 |
0 |
1 |
7-2 |
6 |
|
3 |
Qazaxıstan |
3 |
1 |
0 |
2 |
3-10 |
3 |
|
4 |
Azərbaycan |
3 |
0 |
0 |
3 |
1-10 |
0 |
Bizi Telegram-da izləyin...
