“Qarabağ”la final oynamaq niyyətindəyik” - "Düdelanj"ın baş məşqçisi
“Kipr futbolu inkişaf edib. Bu gün Nikosiya APOEL-in Çempionlar Liqası səviyyəsindədir”.
Redaktor.az-ın məlumatına görə, bunu Lüksemburqun “Düdelanj” klubunun baş məşqçisi Bertan Krasson deyib.
Təcrübəli mütəxəssis Avropa Liqasının V turunun APOEL-lə sabahkı oyunu barədə fikirlərini açıqlayıb. A qrupunda sonuncu pillədə qərarlaşan lüksemburqluların çalışdırıcısı həm bu, həm də 2 həftə sonra Bakıda “Qarabağ”la görüşəcək.
B.Krasson hər iki matça final gözü ilə yanaşdıqlarını bildirib: “APOEL üzərindəki sentyabrda əldə olunan qələbə əsl qəhrəmanlıq idi. Bu bizə özümüzdən danışmağa əsas verirdi. Sonradan isə öz reallığımıza qayıtdıq. Buna baxmayaraq, sabahkı görüşdə mübarizə aparmaq üçün əsaslarımız var. Mən sabah APOEL deyil, “Düdelanj”ın durumunda olmağa üstünlük verərdim. Çünki onların üzərində təzyiq var. Bu qarşılaşma həlledici ola bilər. Amma biz APOEL və “Qarabağ”la iki final oynamaq niyyətindəyik”.
Qeyd edək ki, “Düdelanj” – APOEL matçı noyabrın 28-dən 29-na keçən gecə Bakı vaxtı ilə saat 00:00-da başlayacaq.//Apa.az
Bizi Telegram-da izləyin...
