AVRO-2020-nin Bakıdakı oyunlarının yayımına 51 nəfər cəlb olunacaq

 12:13 04.12.2019     45

AVRO-2020-nin Bakıda keçiriləcək oyunlarının prodüseri müəyyənləşib.

Redaktor.az-ın məlumatına görə, UEFA bu vəzifəyə ispaniyalı Oskar Laqo Dominqesi təyin edib.

Çempionlar Liqasının 2010 və 2019-cu illərdə keçirilən final oyunlarında da bu vəzifəni yerinə yetirən O.D.Laqo qitənin ən nüfuzlu klub turnirində 100, La Liqada 1000-dən çox matçda iş başında olub. O, həmçinin son Libertadores kubokunun finalı, Olimpiya Oyunları və “Formula-1” üzrə İspaniya Qran-Prisində çalışıb.

“Mediapro” Azərbaycana Bakıdakı oyunların yayımı üçün 51 nəfərlik komanda göndərəcək. Bu heyətə 28 operator, 12 montajçı, 2 prodüser, 2 səs operatoru, 6 assistent və 1 direktor yer alacaq.//Apa.az