"Barselona" Braziliya millisinin futbolçusu ilə ANLAŞDI
"Koritiba"nın gənc futbolçusu Yan Kouto karyerasını Avropada davam etdirəcək.
Redaktor.az-ın məlumatına görə, sağ cinah müdafiəçisi "Barselona"ya transfer olunub.
Klublar arasında danışıqlar müsbət yekunlaşıb və 5 milyon avro qarşılığında keçidin baş tutması razılaşdırılıb. Anlaşmaya əsasən, Braziliyanın U-17 yığmasının üzvü mövsümün sonuna qədər hazırkı komandasının formasını geyinəcək. Koutonun yayda 18 yaşı tamam olacaq və ondan sonra "Barselona"ya qoşulacaq.
Qeyd edək ki, U-17 yığması ilə dünya çempionu olan Yan Kouto Braziliyanın yeni Dani Alveşi kimi tanınır.//Apa.az