“Beşiktaş” portuqaliyalı müdafiəçi ilə vidalaşıb

 12:02 09.04.2020     509

Türkiyənin “Beşitkaş” klubu Pedro Reboşo ilə yollarını ayırıb.

Redaktor.az-ın məlumatına görə, İstanbul klubunun 25 yaşlı müdafiəçi ilə vidalaşmasına səbəb onun ümidləri doğrultmaması olub.

Portuqaliyalı müdafiəçi koronavirus pandemiyası üzündən yaranan fasilə dövründə yola salınıb. Mövsümün əvvəlində Fransanın ikinci liqa təmsilçisi “Genqam”dan icarəyə götürülən legioner müqavilə ilə məxsus olduğu komandasına qayıdacaq.

Qeyd edək ki, Pedro cari mövsüm Super Liqada 9 oyuna çıxıb. //APA