“iPhone 12” smartfonlarının təqdimat vaxtı məlum olub

 05:23 14.08.2020     2600

Yeni “iPhone 12” smartfonlarının təqdimatı nəzərdə tutulan vaxtdan daha gec baş tutacaq.

Redaktor.az-ın məlumatına görə, bunu insayder kimi tanınan bloqer Con Prosser bildirib.

Qeyd olunur ki, “Apple” bu il iki iri anons həyata keçirməyi planlaşdırır. Sentyabrın 7-də şirkət yeni “Apple Watch” və “iPad”i təqdim edəcək.

Oktyabrın 12-də isə “iPhone 12” smartfonlarının təqdimatı baş tutacaq. Yeni smartfonlar oktyabrın 19-dan satışa çıxarılacaq.

Eyni zamanda “iPhone 12 Pro” smartfonlarıın təqdimatının noyabradək ləngiyəcəyi bildirilir.