“Meta” öz valyutasını yaradır - FOTO
“Meta” şirkəti “metal kainat” üçün öz virtual valyutasını yaratmaq imkanını nəzərdən keçirir.
Redaktor.az xəbər verir ki, bu barədə “The Financial Times” məlumat yayıb.
Bildirilir ki, şirkət “Facebook” və “Instagram”ın populyarlığının azalması ilə əlaqədar olaraq alternativ gəlir mənbələri və istifadəçiləri cəlb edə biləcək yeni funksiyalar axtarır.
“Financial Times” həmçinin bildirib ki, şirkət daxilində çalışanların “Zuck Bucks” adlandırdıqları virtual valyutanın blokçeyn əsaslı kriptovalyuta olması ehtimalı azdır, daha çox NFT tokenlərini tətbiqlərinə təqdim etməyə meyillidirlər.
Mənbənin sözlərinə görə, təşəbbüs hazırda müzakirənin ilkin mərhələsindədir. Şirkətin sosial şəbəkəsində NFT tokenlərinin yerləşdirilməsi və mübadiləsi üzrə pilot layihənin işə salınması may ayının ortalarına planlaşdırılır.
Bizi Telegram-da izləyin...
