Feysbuk 10 mindən çox insanı işdən çıxardı

 15:51 09.11.2022     150

Xəbər verdiyimiz kimi, feysbuk (Facebook) bu həftə işçilərə ixtisarlarla bağlı məlumat veriləcəyini bildirmişdi.

Redaktor.az “Haber Global”a istinadla xəbər verir ki, Meta bu gün 11 000-dən çox işçini işdən çıxarıb.

Qeyd olunub ki, üçüncü rübdə Meta-nın xərcləri 22 milyard dolları keçib.

Sentyabr ayının sonu etibarilə Meta-da 87 min adam işləyirdi. İşdən çıxarılanlar ümumi işçilərin 13 faizini təşkil edir. Bu, şirkətin 18 illik tarixində ən əhatəli işdən çıxarma planıdır.

Son balans hesabatına görə, Meta-nın gəlirləri 4 faiz azalaraq 27 milyard dollar olub. Bununla belə, xərclərin 22 milyard dollara yüksəlməsi ilə Meta investorları uzunmüddətli perspektivdən narahat olmağa başlayıblar.

Həmidə İbrahimova