"Samsung" ağıllı üzük təqdim etdi - FOTO
Barselona dünyanın hər yerindən olan istehsalçıların ən son avadanlıq və texnologiyalarını nümayiş etdirdiyi WMC 2024 texnoloji şousuna ev sahibliyi edir.
Redaktor.az xarici mediaya istinadən xəbər verir ki, "Samsung" bu ilin sonunda tam debüt edəcək "Galaxy" smart üzüyünü nümayiş etdirmək üçün tədbirə qatılıb.
Bu, sağlamlığı və fəaliyyəti izləmək üçün geyilə bilən aksesuarın yeni növüdür və tezliklə ağıllı saatları əvəz edə bilər. “Edgadget” yazır ki, cihaz ürək döyüntüsünü, qanın oksigenlə doyma səviyyəsini, aktivliyi, yuxu keyfiyyətini qeyd edə, sonra isə bu məlumat əsasında məsləhətlər verə bilir.
“Galaxy Ring” ağıllı üzük bazara bir neçə ölçüdə (5-dən 13-ə qədər) və üç rəngdə çıxacaq: platin gümüşü, qara keramika və qızılı. Akkumulyatorun tutumu ölçüsündən asılı olaraq dəyişəcək - 14,5-dən 21,5 mAh-a qədər. "Samsung" deyir ki, tam doldurulması bir neçə gün batareyanın ömrünü təmin etməlidir.
Bildirilir ki, "Galaxy Ring" "Samsung Health" ekosisteminin bir hissəsi olacaq və ölçmə keyfiyyətini yaxşılaşdırmaq üçün "Galaxy Watch" ilə uyğun olacaq. Əvvəlcə üzük yalnız "Samsung Galaxy" modellərinə uyğun olacaq, daha sonra digər "Android" cihazları üçün dəstək görünəcək. Ancaq iOS ilə uyğunluq haqqında heç nə deyilməyib.
"Samsung"dan olan ağıllı üzüyün qiymətləri və dəqiq xüsusiyyətləri barədə hələlik məlumat yoxdur. Çox güman ki, bu iyul ayında "Galaxy Unpacked" tədbirində elan ediləcək. Orada yeni nəsil qatlanan “Flip and Fold” smartfonları da təqdim olunacaq.
Rəqibləri "Apple" 2015-ci ildən ağıllı üzük ideyası ilə oynayır. Media şirkətin “Galaxy Ring”in elanından ciddi narahat olduğunu və daşına bilən qurğunun inkişafını sürətləndirdiyini yazıb. Yeganə sual buraxılış vaxtıdır. "Apple" əmindir ki, ağıllı üzüklər tezliklə ağıllı saatlara daha az müdaxilə edən və daha avtonom alternativ kimi populyarlıq qazanacaq.
"Bloomberg" mənbələri, "Apple"in, xüsusən də geyilə bilən cihazlar bazarında köklü dəyişikliklərə hazırlaşdığını öyrəndi. Ağıllı üzüklə yanaşı, şirkət klassik "Ray-Bans" kimi görünəcək ağıllı eynəklər hazırlayır.
Turan İSMAYIL
Bizi Telegram-da izləyin...
