"TikTok" ABŞ-də sosial şəbəkəyə qadağanı pislədi

 10:56 22.04.2024     439

"TikTok" sosial şəbəkəsinin rəhbərliyi ABŞ Konqresinin Nümayəndələr Palatasının qəbul etdiyi və qanunvericilərə ABŞ-də platformanı qadağan etməyə imkan verən qanun layihəsini söz azadlığının pozulması adlandırıb.

Redaktor.az xəbər verir ki, bu barədə “Reuters” sosial şəbəkənin bəyanatına istinadən məlumat yayıb.

"Nümayəndələr Palatasının 170 milyon amerikalının söz azadlığının pozulmasına səbəb olacaq bu təşəbbüsü həyata keçirmək üçün kritik xarici yardım və humanitar yardım qanun layihəsindən pərdə kimi istifadə etməsi utancvericidir" - açıqlamada deyilir.

Xatırladaq ki, aprelin 20-də ABŞ Nümayəndələr Palatası ByteDance-a sahib olan Çin şirkəti bir il ərzində onu satmaqdan imtina edərsə, bu platformanın qadağan edilməsini mümkün edən qanun layihəsini qəbul edib. Belə olan halda onun ölkədəki işi dayandırılacaq, “Apple” və “Google” proqramları sonradan yükləmək imkanı olmadan silmək məcburiyyətində qalacaqlar.

Çin Xalq Respublikasının Ticarət Nazirliyinin rəsmi nümayəndəsi He Yadonq bildirib ki, Çin hakimiyyəti ABŞ-nin "TikTok"u qadağan etmək niyyəti ilə bağlı lazımi cavab tədbirləri görəcək. He Yadonq vurğulayıb ki, Vaşinqton xarici müəssisələrə “əsassız təzyiqləri” dayandırmalı və “ABŞ-yə sərmayə qoyan və bizneslə məşğul olan bütün ölkələrin şirkətləri üçün açıq, ədalətli, ədalətli və ayrı-seçkilikdən kənar mühit” təmin etməlidir.

Turan İSMAYIL