Çin avtomobillərində bu problemlər mövcuddur
Bir çox Çin avtomobillərində hələ də istehsal keyfiyyəti ilə bağlı problemlər mövcuddur.
Redaktor.az xəbər verir ki, bu barədə Rusiya-Çin nəqliyyat şirkətinin yaradıcısı Aleksandr Strelnikov bildirib.
"İnkişaflara baxmayaraq, bir çox Çin brendlərində hələ də istehsalın keyfiyyəti və daxili bəzəklərdə ucuz materiallardan istifadə ilə bağlı problemlər var. Bu, avtomobilin etibarlılığına və dayanıqlığına təsir edə bilər", - ekspert deyib.
Strelnikov həmçinin bildirib ki, Çin avtomobillərində heç də həmişə yaxşı rəngləmə və korroziyaya qarşı örtük yoxdur. Bu paslanmaya səbəb ola bilər. Bazarlarda isə Çin avtomobilləri üçün məhdud sayda ehtiyat hissələri var. Eyni zamanda hissələrin qiymətləri də aşağı deyil.
Ekspert onu da qeyd edib ki, Çin avtomobillərinin elektron sistemləri düzgün idarə olunmadığından təkmilləşdirilməlidir.
Sevinc İBRAHİMZADƏ
Bizi Telegram-da izləyin...
