"TikTok"da yeni funksiya - Birlikdə video izləmək
Artıq "TikTok" istifadəçiləri 32 nəfərdən ibarət qruplarda real vaxt rejimində məzmun paylaşa, şərh və reaksiya verə biləcəklər.
Redaktor.az xəbər verir ki, bu funksiya 16 yaşdan yuxarı bütün istifadəçilər üçün əlçatandır, lakin əlavə təhlükəsizlik tədbirləri yeniyetmələrə şamil edilir.
Qrup söhbəti yaratmaq üçün mesajlar bölməsindəki "Söhbət" və ya "Paylaş" düyməsini sıxmaqla birbaşa videodan dostlarınızı seçə bilərsiniz. Qeyd etmək vacibdir ki, söhbətə yalnız platformada "dostlarınız" olan insanları əlavə edə bilərsiniz, yəni hər iki istifadəçi bir-birini izləməlidir.
Xatırladaq ki, "TikTok" şəxsi və qrup söhbətlərinə stikerlər göndərmək imkanı da əlavə edilib. 18 yaşdan yuxarı istifadəçilər öz stikerlərini yükləyə və ya paylaşılan stikerlərdən istifadə edə bilərlər.
Sevinc İBRAHİMZADƏ
Bizi Telegram-da izləyin...
