"Ford" 85 min avtomobilini geri ÇAĞIRIR
Amerikanın avtomobil istehsalçısı "Ford", mühərrikin yanması riski ilə əlaqədar ABŞ-da təxminən 85 min "Explorer" yolsuzluq avtomobilini geri çağırmaq niyyətindədir.
Redaktor.az xəbər verir ki, bu barədə “Reuters” Amerika Avtomobil Yollarının Hərəkətinin Təhlükəsizliyi üzrə Milli İdarəsinə istinadən məlumat yayıb.
Məlumata görə, bu avtomobillərdə mühərrik nasazlığı zamanı mühərrik yağının və yanacağın yanğın mənbəyinə çevrilə biləcək həmin hissələrə düşməsi riski var. Qeyd edilir ki, problemlər hibrid və 3,3 litrlik benzin mühərrikləri olan 2020-2022-ci illərin "Explorer" yolsuzluq avtomobillərinə təsir edir.
"Ford Motor Company" 1903-cü ildə ixtiraçı Henri Ford tərəfindən əsası qoyulmuş böyük Amerika avtomobil şirkətidir. 2022-ci ildə Ford, "Fortune"a görə gəlirlərinə görə ABŞ-nin 500 ən böyük şirkəti arasında, həmçinin dünyanın ən böyük açıq şəkildə satılan şirkətlərinin "Forbes Global 2000" siyahısında yer alıb.
Turan İSMAYIL
Bizi Telegram-da izləyin...
