"Tesla" ucuz elektrik avtomobilləri satmağa başladı
Amerikanın "Tesla" şirkəti öz "Model 3" elektrik avtomobilini Meksikada endirimli qiymətə satmağa başlayıb.
Redaktor.az xəbər verir ki, elektromobil ABŞ-də mövcud olandan daha sadə avadanlıqla fərqlənir. Beləliklə, alıcı avtomobili yalnız bir versiyada və əlavə seçimlər olmadan ala bilər.
Meksikada ucuz "Model 3"ün qiyməti 749 min peso və ya təxminən 35 min dollardır. ABŞ-də ən sərfəli model dörd min dollar baha olacaq. Avtomobilin Meksika versiyası yalnız parça ilə təchiz edilmişdir; veqan dəri ilə örtülmüş versiya yoxdur. Avtomobildə RGB işıqlandırması, arxa sərnişinlər üçün ekran, qızdırılan sükan və ya oturacaq funksiyası da yoxdur.
Ekspertlərinin fikrincə, şirkət belə bir avtomobilin populyarlığını qiymətləndirəcək və uğur qazanacağı təqdirdə onu ABŞ və digər ölkələrdə satmağa başlaya biləcək.
Qeyd edək ki, "Tesla" daha əvvəl 25 min dollara satılan elektrik avtomobili hazırlayıb. Lakin şirkət bu ideyadan vaz keçərək pilotsuz taksi yaratmağı qərara alıb.
Sevinc İBRAHİMZADƏ
Bizi Telegram-da izləyin...
