"Samsung" yeni qatlana bilən telefonunu təqdim edəcək
Cənubi Koreyanın “Samsung” şirkəti ilin sonuna qədər daha bir qatlanan smartfon buraxmağı planlaşdırırdı.
Redaktor.az xəbər verir ki, bu barədə "Elec" məlumat yayıb.
Məlumata görə, şirkət Galaxy Z Fold 6 Slim adlı cihazın istehsalını planlaşdırmağa başlayıb. Smartfonun xüsusiyyətləri və qiyməti açıqlanmayıb. Bununla belə, mənbələr "Samsung"un titan korpuslu qatlana bilən qurğunu ilk dəfə təqdim edəcəyini bildiriblər.
Galaxy Z Fold 6 Slim-in arxa panelinin materialı ilə bağlı yekun qərarın yaxın vaxtlarda veriləcəyi, daha sonra cihazın istehsalına başlanacağı açıqlanıb. Smartfon 2024-cü ilin sonuna qədər buraxılacaq, lakin o, yalnız Cənubi Koreyada və bəzi seçilmiş bazarlarda görünə bilər.
Sevinc İBRAHİMZADƏ
Bizi Telegram-da izləyin...
