BMW Avropada ilk dəfə "Tesla"dan daha çox elektrik avtomobil SATDI
BMW ilk dəfə Avropada "Tesla"dan daha çox elektrik avtomobil satıb.
Redaktor.az xəbər verir ki, "JATO Dynamics" analitikləri iyul ayının statistikasını paylaşıblar. Avropada yayın qızğın çağında saf elektromobil seqmentinin lideri dəyişib: "Tesla" (14 561) gözlənilmədən yerini BMW-yə (14 869) verib. Bavariya brendi daxili yanma mühərrikləri olmayan modellərin satışını hər il 35% artırıb, lakin "Tesla" müştərilərinin 16%-ni itirib. Elektrik avtomobil sənayesi 6 faiz azaldığı halda, ümumi avtomobil bazarı 2 faiz artıb.
iX1 və i4 BEV seqmentində BMW satışlarının sürücüsü olublar: onlar müvafiq olaraq 4,3 min və 4,2 min müştəri tapıblar. Mütləq reytinqdə bunlar yalnız altıncı və yeddinci yerlərdir və ilk iki yerdə nəzərəçarpacaq geriləmə ilə "Tesla Model Y" (9,5 min) və "Volvo EX30" (6,6 min) üstünlük təşkil edir.
Adi modellər arasında "Dacia Sandero" liderdir: O, 22,4 min ədəd sataraq "Volkswagen T-Roc" (19,2 min ədəd) və "Toyota Yaris Cross" (17,3 min ədəd) qabaqlayır. "Tesla Model Y" elektrik avtomobili 24-cü yerə düşüb: Subsidiyaların olmaması, akkumulyator modellərinin qalıq dəyərinin azalması və Aİ strategiyasındakı qeyri-müəyyənlik alıcıları ənənəvi brendlərə üz tutmağa sövq edib.
Brendlər arasında "Volkswagen" 109 min qeydiyyatla Avropa bazarına liderlik etməyə davam edir. İkinci yeri "Toyota" (75,3 min ədəd), üçüncü yeri isə BMW (64 min ədəd) tutur. "Dacia" yalnız 11-ci yerdədir və "Volvo" ən böyük satış artımını +39% göstərib. İyul ayı MINI (-28%), FIAT (-25%) və Ford (-19%) üçün uğurlu ay olmayıb.
Sevinc İBRAHİMZADƏ
Bizi Telegram-da izləyin...
