"Xiaomi" düymələri olmayan yeni smartfon təqdim EDƏCƏK
Çinin “Xiaomi” şirkəti 2025-ci ilin birinci yarısında düymələrdən tamamilə azad olacaq yeni smartfonunu təqdim etməyə hazırlaşır.
Redaktor.az xəbər verir ki, bu barədə "SmartPrix" portalı məlumat yayıb.
Kod adı "Zhuque" olan qarşıdan gələn cihaz fiziki düymələrin olmaması səbəbindən bu növdə ilk olacaq. Fiziki düymələrin yerinə hansı texnologiyalardan istifadə ediləcəyi hələlik məlum deyil. Seçimlərə jest nəzarəti, təzyiqə həssas kənarlar və ya səs əmri nəzarəti daxildir.
Smartfonda həmçinin görüntü keyfiyyətinə görə "Samsung Galaxy Z Fold"da istifadə edilən ekran altındakı selfi kamerası var. "Zhuque"nin performansı 2025-ci ilin yaz-yayında buraxılacaq "Xiaomi 15S Pro"da da istifadə ediləcək Snapdragon 8+ Gen 4 çipinin sürətləndirilmiş versiyası ilə idarə olunacaq.
"Xiaomi Zhuque"nin qiymətinin nə qədər olacağı və şirkətin onu hansı bazarlarda təqdim etməyi planlaşdırdığı məlum deyil. Hazırda düyməsi olmayan yeganə smartfon 2019-cu ilin yanvarında təqdim edilən "Meizu Zero"dur. Ancaq bu, heç vaxt satışa çıxarılmayıb.
Sevinc İBRAHİMZADƏ
Bizi Telegram-da izləyin...
