Çin bu sahədə ABŞ-dən 15 il geridədir
Niderland hökuməti tərəfindən tətbiq edilən son sanksiyalar ASML şirkətinin Çində köhnə DUV skanerlərini satmaq üçün lisenziya almasını tələb edir.
Redaktor.az xəbər verir ki, Çinin Sənaye və İnformasiya Texnologiyaları Nazirliyinin saytındakı sənədə görə, Çin buna cavab olaraq özünün DUV skanerini hazırlayıb.
Çin litoqrafiya maşını 193 nanometr dalğa uzunluğuna malik arqon flüorid (ArF) işıq mənbəyindən istifadə edir və 65 nanometr ayırdetmə qabiliyyətinə malik çipləri çap etməyə qadirdir.
Belə skanerlər 2009-cu ildən qlobal yarımkeçirici sənayesində istifadə olunur və ASML-nin oxşar modelləri hələ 2005-ci ildə mövcud idi.
Bu isə o deməkdir ki, hazırda Çin yarımkeçirici texnologiyalarının inkişafında ABŞ və Avropadan təxminən 15 il geri qalır.
Sevinc İBRAHİMZADƏ
Bizi Telegram-da izləyin...
