ABŞ-də "TikTok"a qarşı məhkəmə iddiası qaldırıldı
ABŞ-nin 14 ştatı "TikTok"a qarşı fərdi iddialar qaldıraraq platformanın gənclərin psixi sağlamlığına zərər verdiyini və onların razılığı olmadan məlumatlarını topladığını iddia edib.
Redaktor.az xəbər verir ki, iddiada "TikTok"un 24/7 bildirişlər və avtomatik oynatılan videolar kimi "asılılıq yaradan" xüsusiyyətləri vurğulanıb.
Nyu York Baş prokuroru Letitia Ceyms deyib ki, gənclər "TikTok" kimi asılılıq yaradan platformalar səbəbindən psixi sağlamlıq problemləri yaşayırlar.
Həmçinin bildirilib ki, "TikTok" valyutanın istifadəsi və canlı yayım funksiyası vasitəsilə gənc istifadəçilərinin istismarını asanlaşdırır. "TikTok Live" platforması böyüklər üçün nəzərdə tutulub, lakin yaş yoxlanışının zəif olması səbəbindən uşaqlar yenə də giriş əldə edə bilirlər.
"TikTok" isə iddiaları rədd edərək, onları yanlış və aldadıcı adlandırıb. 16 yaşdan kiçik istifadəçilər üçün istifadə müddətləri və məxfilik parametrləri də daxil olmaqla, uşaqların müdafiəsi ilə bağlı tədbirlərini vurğulayıb.
Sevinc İBRAHİMZADƏ
Bizi Telegram-da izləyin...
